პროგრამის „სახელმწიფო სტიპენდიები სტუდენტებს“ ფარგლებში სსიპ - ივანე ჯავახიშვილის სახელობის თბილისის სახელმწიფო უნივერსიტეტის ბაკალავრიატის ან/და დიპლომირებული მედიკოსის/სტომატოლოგის საგანმანათლებლო პროგრამაზე ჩარიცხულ სტუდენტთა ფინანსური წახალისებისათვის კანდიდატთა შერჩევის კრიტერიუმების დადგენისა და ფაკულტეტებზე სახელმწიფო სტიპენდიით დასაფინანსებელი სტუდენტების რაოდენობის განსაზღვრის შესახებ“ თსუ რექტორის 2022 წლის 3 მაისის №125/01-01 ბრძანებით განისაზღვრა ბაკალავრიატის საფეხურის სტუდენტთათვის სტიპენდიების მინიჭების წესი.

ივანე ჯავახიშვილის სახელობის თბილისის სახელმწიფო უნივერსიტეტის რექტორის 2022 წლის 3 მაისის №125/01-01 ბრძანების საფუძველზე, პროგრამის „სახელმწიფო სტიპენდიები სტუდენტებს“ ფარგლებში იურიდიული ფაკულტეტიდან დაფინანსდება მიმდინარე სემესტრში აქტიური სტატუსის მქონე ბაკალავრიატის საფეხურის 108 სტუდენტი. სტიპენდიით დაფინანსება ითვალისწინებს უნივერსიტეტის ბაკალავრიატის საგანმანათლებლო პროგრამის სტუდენტთა დაფინანსებას თბილისის სახელმწიფო უნივერსიტეტში წინა სემესტრის მანძილზე მიღებული ქულების შედეგების გათვალისწინებით, შერჩევის საფუძველზე. ასევე, დაფინანსება გაიცემა იმ სტუდენტებზე, რომლებიც წინა კალენდარულ სემესტრის მანძილზე იმყოფებოდნენ საზღვარგარეთ, უცხო ქვეყნის უმაღლეს საგანმანათლებლო დაწესებულებაში სასწავლებლად ევროკომისიის მიერ დაფინანსებული ერაზმუს მუნდუსის პროექტების, საერთაშორისო საგანმანთლებლო პროგრამებისა და თსუ-სა და უცხო ქვეყნის უმაღლეს საგანმანათლებლო დაწესებულებებს (პარტნიორ უნივერსიტეტებს) შორის გაფორმებული ხელშეკრულებების/მემორანდუმების საფუძველზე. 

ქვეყანაში არსებული მდგომარეობიდან გამომდინარე, იურიდიულ ფაკულტეტზე აკადემიური და ადმინისტრაციული პროცესების დისტანციური წესით წარმოების პირობებში საკონკურსო საბუთები მიიღება ელექტრონულად. სასტიპენდიო კონკურსში მონაწილე კანდიდატთა დოკუმენტაცია გამოგზავნილ უნდა იქნეს იურიდიული ფაკულტეტის კანცელარიის ელექტრონული ფოსტის მისამართზე chancellerylaw@tsu.ge

შერჩევის პროცესში მონაწილეობის მისაღებად კანდიდატებმა უნდა წარმოადგინონ შემდეგი დოკუმენტაცია:

1. პირადი განცხადება იურიდიული ფაკულტეტის დეკანის სახელზე (არსებული მდგომარეობიდან გამომდინარე განცხადების გამოგზავნა შესაძლებელია სტუდენტის კორპორაციული თსუ ელექტრონული ფოსტით);

2. პირადობის მოწმობის ასლი;

3. წინა სემესტრის განმავლობაში (2021 წლის 1 აგვისტოდან 2022 წლის 1 მარტამდე) საქართველოში ან საზღვარგარეთ ჩატარებულ სტუდენტურ კონფერენციებში მონაწილეობის/გამარჯვების დამადასტურებელი დოკუმენტი/დოკუმენტები (დათარიღებული სერტიფიკატი ან ცნობა) ასეთის არსებობის შემთხვევაში (შერჩევის პროცესში მხედველობაში არ იქნება მიღებული ისეთი დოკუმენტი, რომლითაც ვერ დგინდება სამეცნიერო სტუდენტური  კონფერენციის ჩატარების ზუსტი თარიღი).

იურიდიული ფაკულტეტის ორგანიზებით ჩატარებულ სტუდენტურ სამეცნიერო კომფერენციებში მონაწილეთა/გამარჯვებულთა სია სამეცნიერო კვლევების სამსახურის მიერ გადაეცა სასტიპენდიო კომისიას. 

4. გამოქვეყნებული სამეცნიერო ნაშრომის/ნაშრომების ასლი ასეთის არსებობის შემთხვევაში. სამეცნიერო ნაშრომი, ასევე, გამოქვეყნებული უნდა იყოს წინა სემესტრში (2021 წლის 1 აგვისტოდან 2022 წლის 1 მარტამდე), რაც უნდა დასტურდებოდეს სამეცნიერო ნაშრომის წარმოდგენილი დოკუმენტით;

5.  იმ სტუდენტებმა, რომლებიც წინა კალენდარულ სემესტრში სასწავლებლად იმყოფებოდნენ უცხო ქვეყნის უმაღლეს საგანმანათლებლო დაწესებულებაში ევროკომისიის მიერ დაფინანსებული ერაზმუს მუნდუსის პროექტების, საერთაშორისო საგანმანათლებლო პროგრამებისა და თსუ-სა და უცხო ქვეყნის უმაღლეს საგანმანათლებლო დაწესებულებებს (პარტნიორ უნივერსიტეტებს) შორის გაფორმებული ხელშეკრულებების/მემორანდუმების საფუძველზე, უნდა წარმოადგინონ აღნიშნულის დამადასტურებელი დოკუმენტაცია;

6.  „საქართველოს ბანკის“ საბანკო ანგარიშის ნომრის ამონაწერი;

დოკუმენტაციის მიღების ვადა განსაზღვრულია 2022 წლის 4 მაისიდან  8 მაისის ჩათვლით, 17 სთ-მდე. დოკუმენტაცია მიიღება იურიდიული ფაკულტეტის კანცელარიის ელექტრონული ფოსტის მისამართზე  chancellerylaw@tsu.ge.

იხ. შესარჩევი კომისიის რეგლამენტი.

იურიდიული ფაკულტეტი გისურვებთ წარმატებებს!